2.o திரைப்படம் தமிழ்ராக்கர்சில் வெளியாகியிருப்பது படக்குழுவினரை அதிர்ச்சியில் ஆழ்த்தியுள்ளது.
ரஜினி நடிப்பில் பிரம்மாண்ட இயக்குனர் ஷங்கர் இயக்கத்தில் 2.0 படம் இன்று வெளியாகியுள்ளது.
இந்த படத்தின் மீதான எதிர்பார்ப்பு ரசிகர்கள் இடையே வேர லெவலில் இருந்த நிலையில் அவை அனைத்தையும் படம் பூர்த்தி செய்துள்ளது என்றுதான் கூறவேண்டும். பல்வேறு நாடுகளில் இந்த படம் பிரம்மாண்டமாக திரையிடப்பட்டுள்ளது. இந்த படத்தை ரசிகர்கள் கொண்டாடி வருகிறார்கள்.
இந்நிலையில் திரையுலகிற்கு மிகப்பெரிய அச்சுறுத்தலாய் இருந்து வரும் தமிழ்ராக்கர்ஸ் 2.0 படத்தை இணையத்தில் வெளியிட்டுள்ளது. படத்தை இணையத்தில் வெளியிடக்கூடாது என நீதிமன்றம் கடுமையாக எச்சரித்த போதிலும் தமிழ்ராக்கர்ஸ் இப்படி செய்திருப்பது படக்குழுவினரை அதிர்ச்சியில் ஆழ்த்தியுள்ளது.