ஷங்கர் இயக்கத்தில் ரஜினி நடித்து வரும் 2.0 படத்தின் இசை, டீசர் மற்றும் டிரைலர் வெளியீடு குறித்த அதிரடி தகவல் வெளியாகியுள்ளது.
ஷங்கர் இயக்கத்தில் ரஜினிகாந்த், அக்ஷய் குமார், எமி ஜாக்சன் ஆகியோர் நடித்து வரும் திரைப்படம் 2.0. எந்திரன் படத்தின் இரண்டாவது பாகமான 2.0 படத்திற்கு ரசிகர்கள் இடையே பெரும் எதிர்பார்ப்பு இருந்து வருகிறது. இந்நிலையில் தற்போது 2.0 படத்தின் இசை, டீசர் மற்றும் டிரைலர் வெளியீடு குறித்த தகவல்கள் வெளியாகியுள்ளது.
2.0 படத்தின் இசை துபாயில் அக்டோபர் மாதம் வெளியிடப்படுகிறது. அதைத்தொடர்ந்து டீசர் நவம்பர் மாதம் ஐதராபாத்திலும், டிரைலர் சிங்கார சென்னையிலும் வெளியிடப்படுகிறது. ஆனால் வெளியீடு தேதி குறித்து எந்த தகவலும் வெளியாகவில்லை.
மேலும் இந்த செய்தியை லைகா புரடொக்ஷன்ஸ் நிறுவனத்தின் தலைமை செயல் அதிகாரியான ராஜூ மகாலிங்கம் தனது டுவிட்டர் பக்கத்தில் பதிவிட்டுள்ளார்.