தயாரிப்பாளர் கல்பாத்தி அகோரத்தின் ஏஜிஎஸ் எண்டர்டெய்ன்மெண்ட் தயாரிக்கும் புதிய படம் மாசிலாமணி.
காதலில் விழுந்தேன் நகுல், சுனேனா இதில் நடிக்கின்றனர். படத்தின் ஜோடி மட்டுமல்ல கதையும் ஏறக்குறைய காதலில் விழுந்தேனை ஞாபகப்படுத்துகிறது.
சமூகத்தின் அடிமட்டத்தை சேர்ந்த நகுல், கலாஷேத்ராவில் நடனம் பயிலும் சுனேனாவை காதலிப்பதுதான் கதை. இந்த காதல் எப்படி கைகூடியது என்பதை புதுமையான முறையில் கூற இருக்கிறாராம் இயக்குனர் ஆர்.என்.ஆர்.மனோகர்.
நகுல், சுனேனாவுடன் சந்தானம், டெல்லி கணேஷ் ஆகியோரும் நடிக்கின்றனர். தெனாவட்டு படத்துக்கு ஒளிப்பதிவு செய்த வெற்றி மாசிலாமணிக்கும் ஒளிப்பதிவு செய்கிறhர். இசை டி.இமான்.
சென்னையில் படப்பிடிப்பு தொடங்கி புதுச்சேரியில் தொடர்ந்து நடைபெறுகிறது. பாடல் காட்சிகளுக்காக சுவிட்சர்லாந்த் செல்ல தீர்மானித்துள்ளனர்.
