20 ஓவர் உலககோப்பை கிரிக்கெட் போட்டியில் சூப்பர் 8 சுற்று ஆட்டத்தில் ஆஸ்ட்ரேலியா அணியுடன் மேற்கிந்தி தீவு அணி தோல்வியடைந்ததைத் தொடர்ந்து போட்டியில் இருந்து வெளியேறியது.
நேற்றிரவு நடந்த கடைசி போட்டியில் ஆஸ்ட்ரேலியா - மேற்கிந்திய தீவு அணிகள் மோதின. இதில் பூவா தலையா வென்று முதலில் பேட்டிங் செய்த மேற்கிந்திய தீவு அணி 19 ஓவர்களில் அனைத்து விக்கெட்டுகளையும் இழந்து 105 ரன்களுக்கு ஆல்-அவுட் ஆனது.
அதிகபட்சமாக சர்வான் 31 பந்துகளில் 26 ரன்னும், சந்தர்பால் 18 பந்தில் 24 ரன்னும் எடுத்தனர். அணித் தலைவர் கெய்ல் 4 ரன்னில் ஆட்டம் இழந்தார்.
ஆஸ்ட்ரேலியா தரப்பில் ஸ்மித் 3 விக்கெட்டும், ஜான்சன், ஹஸ்ஸி ஆகியோர் தலா 2 விக்கெட்டுகளை கைப்பற்றினர்.
பின்னர் களம் இறங்கிய ஆஸ்ட்ரேலிய அணி 16.2 ஓவர்களில் 4 விக்கெட் இழப்பிற்கு 109 ரன் எடுத்தது. இதையடுத்து 6 விக்கெட் வித்தியாசத்தில் வெற்றி பெற்றது. அதிகபட்சமாக ஹடின் 46 பந்தில் 42 ரன் எடுத்தார்.
