20 ஓவர் உலககோப்பை போட்டியின் லீக் சுற்றில் பாகிஸ்தான் அணியை 34 ரன்கள் வித்தியாசத்தில் ஆஸ்ட்ரேலியா வீழ்த்தியது.
நேற்றிரவு நடந்த 6-வது போட்டியில் 'ஏ' பிரிவில் ஆஸ்ட்ரேலியா- பாகிஸ்தான் அணிகள் மோதின. பூவா தலையா வென்ற ஆஸ்ட்ரேலிய அணி முதலில் பேட்டிங் செய்தது.
நிர்ணயிக்கப்பட்ட 20 ஓவரில் அனைத்து விக்கெட்டுகளையும் இழந்து 191 ரன்கள் குவித்தது. அதிகபட்சமாக வாட்சன் 49 பந்துகளில் 81 ரன்களும், ஹஸ்ஸி 29 பந்துகளில் 53 ரன்களும் எடுத்தனர்.
அடுத்து களம் இறங்கிய பாகிஸ்தான் அணி 20 ஓவர்களில் அனைத்து விக்கெட்டுகளையும் இழந்து 157 ரன்கள் எடுத்தது. இதையடுத்து ஆஸ்ட்ரேலிய அணி 34 ரன்கள் வித்தியாசத்தில் வெற்றி பெற்றது.
பாகிஸ்தான் அணியில் மிஸ்பா உல்-ஹக் 31 பந்துகளில் 41 ரன்களும், அப்ரிடி 24 பந்துகளில் 33 ரன்களும் எடுத்தனர்.
