சுவை மிகுந்த சேமியா கேசரி செய்ய...!!

தேவையான பொருள்கள்:

சேமியா - 1 கப் 

சீனி - 3/4 கப் 

முந்திரிப்பருப்பு - 10

நெய் - 5 மேஜைக்கரண்டி 

ஏலக்காய் பவுடர் - 1/4 தேக்கரண்டி 

கேசரி கலர் - சிறிது 

தண்ணீர் - 1 1/4 கப்

செய்முறை:

அடுப்பில் கடாயை வைத்து 3 மேஜைக்கரண்டி நெய் ஊற்றி சூடானதும் மிதமான சூட்டில் வைத்து முந்திரிப்பருப்பை போட்டு வறுக்கவும். முந்திரிப்பருப்பு பொன்னிறமானதும் அதனுடன் சேமியாவை சேர்த்து வறுக்கவும்.                                                                            

பிறகு அதனுடன் 1 1/4 கப் தண்ணீர், கேசரி கலர் சேர்த்து சேமியா வேகும் வரை நன்கு கிளறவும். சேமியா வெந்தவுடன் சர்க்கரையை சேர்த்து கேசரி கெட்டியாகும்  வரை நன்கு கிளறவும். இறுதியில் மீதமுள்ள 2 மேஜைக்கரண்டி நெய்யும், ஏலக்காய் பவுடரும் சேர்த்து கிளறி அடுப்பை அணைக்கவும். சூடு ஆறியவுடன் ஒரு  பாத்திரத்தில் எடுத்து வைக்கவும். சுவையான சேமியா கேசரி தயார்.