இங்கிலாந்துக்கு அணிக்கு எதிரான டெஸ்ட் போட்டியில் யுவராஜ் சேர்க்கப்படாமல் ஹிரிதிக் பாண்டியா சேர்க்கப்பட்டிருப்பதற்கு கிரிக்கெட் ரசிகர்கள் அதிருப்தி தெரிவித்து வருகின்றனர்.
இந்தியா வரும் இங்கிலாந்து அணி 5 டெஸ்ட் போட்டிகள் கொண்ட தொடரில் பங்கேற்கிறது. இதற்கான இந்திய வீரர்கள் 15 பேர் கொண்ட அணி அறிவிக்கப்பட்டது.
இதில் யுவராஜ் சிங் சேர்க்கப்படாமல் இளம் வீரர் ஹிர்திக் பாண்டியா சேர்க்கப்பட்டிருப்பதற்கு கடும் கண்டனங்கள் எழுந்துள்ளது.
ஹிர்திக் பாண்டியா அணியில் சேர்க்கப்பட்டிருப்பதற்கு யுவராஜ் சிங்கும் கிண்டலான முறையில் தனது ட்விட்டர் பக்கத்தில் வாழ்த்து தெரிவித்துள்ளார்.
ஆல்-ரவுண்டர் பாண்டியா டெஸ்ட் அணிக்கு வந்துள்ளது அணியை வலிமையாக்கும். ஏற்கனவே ரவீந்திர ஜடேஜா ஆல்-ரவுண்டராக ஜொலித்து வரும் நிலையில் பாண்ட்யா வேகப்பந்து மற்றும் பேட்டிங்கிற்கு வலு சேர்ப்பார்.
பாண்டியா இதுவரை 16 டி20 போட்டிகளில் ஆடி, 15 விக்கெட்டுகளை வீழ்த்தியுள்ளார். 78 ரன்கள் சேர்த்துள்ளார். நான்கு, ஒருநாள் போட்டிகளில் ஆடியுள்ள அவர், 4 விக்கெட்டுகளை வீழ்த்தியுள்ளார். பேட்டிங் சராசரி 22.50 ஆகும்.