இந்தியா மற்றும் நியூசிலாந்து அணிகளுக்கிடையேயான முதல் அரை இறுதி போட்டி தற்போது நடைபெற்று வரும் நிலையில் இந்த போட்டியில் அபாரமாக விளையாடிய விராட் கோலி சதம் அடித்துள்ளார். இது அவரது ஐம்பதாவது சதமாகும்.
இதுவரை அதிகமாக சச்சின் டெண்டுல்கர் 49 சதமடித்துள்ள நிலையில் அவரது சாதனையை விராட் கோஹ்லி முறியடித்துள்ளார். இந்த போட்டியை சச்சின் டெண்டுல்கர் நேரில் பார்க்க மைதானத்திற்கு வந்த நிலையில் தன்னுடைய சாதனையை முறியடித்த விராட் கோஹ்லிக்கு எழுந்து நின்று அவர் கைதட்டி தனது மகிழ்ச்சியை வெளிப்படுத்தினார்.
இதனை அடுத்து விராட் கோலிக்கு வாழ்த்துக்கள் குவிந்து வருகிறது. இந்த போட்டியை பார்ப்பதற்காக நேரில் வந்திருந்த முன்னாள் மேற்கிந்திய தீவு வீரர் விவியன் ரிச்சர்ட் அவர்களும் எழுந்து நின்று கை தட்டினார் என்பது குறிப்பிடத்தக்கது.
49 சதங்கள் அடைந்தபோது சச்சினின் சாதனையை யாராலும் முறியடிக்க முடியாது என்று கூறிய நிலையில், விராட் கோஹ்லி அந்த சாதனையை முறியடித்துள்ளார் என்பது குறிப்பிடத்தக்கது
