இந்தியா மற்றும் இங்கிலாந்து அணிகளுக்கு இடையே இன்று நடைபெற்ற வரும் 2-வது ஒருநாள் கிரிக்கெட் போட்டியில் இந்திய அணி முதல் இன்னிங்சில் 6 விக்கெட் இழப்புக்கு 336 ரன்கள் எடுத்தது என்பதை சற்று முன் பார்த்தோம்.
இந்த நிலையில் இந்தியாவின் இன்றைய ஸ்கோரில் ஒரு புதுமை ஏற்பட்டிருப்பது சமூக வலைதளங்களில் வைரலாகி வருகிறது. இந்திய அணி இன்றைய இன்னிங்சில் 112 ரன்களுக்கு 2 விக்கெட்டுகள், 224 ரன்களுக்கு 4 விக்கெட்டுகள் மற்றும் 336 ரன்களுக்கு 6 விக்கெட்டுகள் என எடுத்து இருந்தது என்பது குறிப்பிடத்தக்கது. 112 ரன்கள் விகிதமாகவும் விக்கெட்டுகள் இரண்டு இரண்டாகவும் இருந்தது பெரும் ஆச்சரியத்தை அளித்தது
இதனையடுத்து இந்திய அணி எதிர்காலத்தில் 448 ரன்களுக்கு 8 விக்கெட்டுகள் எப்போது எடுக்கும் என ரசிகர்கள் கேள்வி எழுப்பி வருகின்றனர். இந்திய அணி சர்வதேச போட்டிகளில் இவ்வாறு சராசரியாக ரன்களையும் விக்கெட்டுகளையும் எடுத்திருப்பது ஆச்சரியமான ஒன்றாகக் கருதப்படுகிறது
