இந்திய அணியில் இடம் பிடிக்கும் அளவிற்கு நெருங்கி விட்டேன் என்ற குஜராத் டைட்டன்ஸ் அணியின் வீரர் ராகுல் திவெட்டியா பேட்டி அளித்துள்ளார்.
ஐபிஎல் தொடரில் நன்றாக விளையாடும் வீரர்களுக்கு இந்திய அணியிலும் இடம் கிடைத்து வருகிறது என்பதை பார்த்து வருகிறோம். அந்த வகையில் குஜராத் டைட்டன்ஸ் அணியில் ராகுல் திவெட்டியா மிக சிறப்பாக விளையாடி வருகிறார். அவருடைய பேட்டிங்கில் பந்துகள் பறக்கும் என்பது குறிப்பிடத்தக்கது.
இந்த நிலையில் கிராமத்தில் இருந்து வந்த நான் இப்போது ஐபிஎல் போட்டியில் நல்ல பினிஷர் ஆக மாறி இருக்கிறேன் என்றும் இப்போது நான் இந்திய அணியை தொடும் தூரத்திற்கு வந்து விட்டேன் என நம்புகிறேன் என்றும் தெரிவித்தார்.
சிறுவயதில் டிவியில் கிரிக்கெட் பார்க்கும்போது இந்திய அணியில் விளையாட வேண்டும் என்பது எனது கனவாக இருந்தது என்றும் அதை இப்போது நான் நெருங்கி விட்டேன் என்று நினைக்கிறேன் என்றும் கூறியுள்ளார்.
