ஆசிய கோப்பை இறுதியாட்டத்தில் இந்தியாவுடன் மோதும் அணி எது என்பதை நிர்ணயிக்கும் போட்டி ஒன்று அபுதாபியில் தற்போது நடைபெற்று வருகிறது. பாகிஸ்தான் மற்றும் வங்கதேச அணிகளுக்கு இடையே நடைபெற்று வரும் இந்த போட்டியில் தற்போதைய நிலையில் பாகிஸ்தான் மோசமாக விளையாடி வருகிறது.
டாஸ் வென்ற வங்கதேச அணி முதலில் பேட்டிங்கை தேர்வு செய்து 48.5 ஓவர்களில் 239 ரன்களுக்கு ஆட்டமிழந்தது. முசாஃபிர் ரஹிம் 99 ரன்களும், முகமது மிதுன் 60 ரன்களும் எடுத்தனர்.
இந்த நிலையில் 240 ரன்கள் என்ற இலக்கை நோக்கி விளையாடி வரும் பாகிஸ்தான் அணி சற்றுமுன் வரை 11 ஓவர்களில் 3 விக்கெட்டுக்களை இழந்து 38 ரன்கள் மட்டுமே எடுத்துள்ளது. இன்னும் 39 ஓவர்களில் 202 ரன்கள் எடுக்க வேண்டிய நிலையில் பாகிஸ்தான் அணி திணறி வருகிறது.