இந்தியா மற்றும் நியுசிலாந்து அணிகளுக்கு இடையிலான 3 டி 20 போட்டிகள் கொண்ட தொடரில் விளையாடும் நியுசிலாந்து அணி அறிவிக்கப்பட்டுள்ளது.
இந்திய அணி ஆஸ்திரேலிய சுற்றுப்பயணத்தை முடித்துக்கொண்டு அங்கிருந்து நியுசிலாந்து சென்று கலக்கி வருகிறது. 5 போட்டிகள் கொண்ட ஒருநாள் தொடரில் முதல் மூன்று போட்டிகளிலும் வென்று தொடரைக் கைப்பற்றியுள்ளது. நியுசிலாந்து மண்ணில் இந்தியா 10 ஆண்டுகளுக்குப் பிறகு இப்போதுதான் ஒருநாள் தொடரைக் கைப்பற்றியுள்ளது.
எஞ்சியுள்ள இரண்டு போட்டிகளிலும் டி 20 தொடரிலும் இந்திய கேப்டன் விராட் கோஹ்லிக்கு ஓய்வு அளிக்கப்பட்டுள்ளதால் ரோஹித் ஷர்மா தலைமை தாங்க இருக்கிறார்.
இந்நிலையில் ஒருநாள் தொடருக்குப் பின் பிப்ரவரி 6-ம் தேதி முதல் 10-ம் தேதிவரை 3 போட்டிகள் கொண்ட டி 20 தொடருக்கான நியுசிலாந்து அணியை அந்நாட்டுக் கிரிக்கெட் வாரியம் அறிவித்துள்ளது. ஒருநாள் தொடரில் இடம்பெற்றிருந்த வேகப்பந்து வீச்சாளர் பெர்குஷனுக்கு பதிலாக டிக்னரும், வீரர் நீஷம்க்கு பதிலாக பிரேஸ்வெல்லும் சேர்க்கப்பட்டுள்ளனர். மேலும், ஆல்ரவுண்டர் டேர்ல் மிட்ஷெல் என்பவர் புதுமுக வீரரும் அறிமுகமாகிறார்.
இரு அணிகளுக்கு இடையிலான முதல் டி20 போட்டி வெல்லிங்டன் நகரில் பிப்ரவரி 6-ம் தேதியும், 2-வது போட்டி 8-ம் தேதி ஆக்லாந்திலும், 3-வது போட்டி 10-ம் தேதி ஹேமில்டனும் நடக்கிறது.
நியூசிலாந்து அணி விவரம்:
கேன் வில்லியம்ஸன்(கேப்டன்), டக் பிரேஸ்வெல், கோலின் டி கிராண்ட்ஹோம், லாக்கி பெர்குஷன் (முதல் இரு போட்டிகளுக்கு மட்டும்), மார்டின் கப்தில், ஸ்காட் குக்கலேஜின், டேர்ல் மிட்ஷெல், காலின் மன்ரோ, மிட்ஷெல் சான்ட்னர், டிம் ஷீபர், இஷ் சோதி, டிம் சவுத்தி, ராஸ் டெய்லர், பிளையர் டிக்னர் (3-வது போட்டிக்கு மட்டும்)
