நேற்றைய போட்டியில் ஆர் சிபி அணி மிக மோசமான தோல்வியை சந்தித்தது.
நேற்று நடைபெற்ற பெங்களூர் மற்றும் கொல்கத்தா அணிகளுக்கு இடையிலான ஐபிஎல் போட்டியில் வருண் சக்கரவர்த்தியின் அபார பந்து வீச்சு காரணமாக பெங்களூரு அணி படுதோல்வி அடைந்தது. வருண் சக்கரவர்த்தி 4 ஓவர்கள் வீசி 13 ரன்கள் மட்டுமே விட்டுக்கொடுத்து 3 விக்கெட்டுகளை வீழ்த்தினார் என்பதும் அது மட்டுமின்றி அவர் வீசிய 24 பந்துகளில் 15 டாட் பந்துகள் என்பதும் குறிப்பிடத்தக்கது. மேலும் வரும் சக்கரவர்த்தி ஆட்டநாயகன் விருதும் கிடைத்தது
போட்டி முடிந்த பின்னர் பேசிய ஆர் சி பி கேப்டன் கோலி ‘ ஆரம்பத்திலேயே பனிப்பொழிவு இருக்கும் என எதிர்பார்க்கவில்லை. பார்ட்னர்ஷிப் முக்கியம், 42 ரன்களுக்குப் பிறகு 20 ரன்களுக்கு 5 விக்கெட்டை இழந்துவிட்டோம். சூழ்நிலைக்கு ஏற்ப தகவமைத்துக் கொள்ள ஒரு போட்டி தேவைப்படும். ஆனால் அந்த ஒரு போட்டி இரண்டாக மாறிவிடக் கூடாது. அடுத்த போட்டியிலிருந்து வெற்றி பெறுவதற்கான அணி எங்களிடம் உள்ளது. வலுவான ஆட்டத்தை வெளிப்படுத்துவோம்.’ எனக் கூறியுள்ளார்.
