விஜய் ஹசாரே கிரிக்கெட் போட்டியில் ஜார்கண்ட் அணிக்கு எதிராக சதம் அடித்து அசத்தலான ஆட்டத்தை வெளிப்படுத்தியுள்ளார் கேப்டன் தோனி.
சர்வதேச போட்டிகளில் இந்திய கிரிக்கெட் அணியின் கேப்டன் பொறுப்பிலிருந்து விலகியுள்ள தோனி, உள்ளூர் தொடரான விஜய் ஹசாரே கிரிக்கெட் போட்டி தொடரில் ஜார்கண்ட் அணிக்கு கேப்டனாக செயல்படுகிறார்.
முதல் போட்டியில் கர்நாடகா அணியுடன் 43 ரன்கள் அடித்தார் தோனி. அந்த போட்டியில் ஜார்கண்ட் தோல்வியை சந்தித்தது.
தொடர்ந்து இரண்டாவது போட்டியில் சத்தீஸ்கர் அணிக்கு எதிராக ஜார்கண்ட் அணி விளையாடியது. இதில் முதலில் பேட்டிங் செய்த ஜார்கண்ட் அணி 20 ஓவர்களில் 43 ரன்களுக்கு 5 விக்கெட் இழந்து தவித்தது.
அந்த இக்கட்டான நிலையில் களமிறங்கிய தோனி அட்டகாசமான சதம் விளாசி 249 ரன்கள் எடுக்க உதவினார். தோனி 96 ரன்கள் இருந்த பொழுது அசத்தலான சிக்சர் அடித்து சதத்தை பூர்த்தி செய்தார்.
