இன்று இந்தியா-பாகிஸ்தான் போட்டி.. வருண்பகவான் வழிவிடுவாரா?

இன்று இந்தியா-பாகிஸ்தான் போட்டி.. வருண்பகவான் வழிவிடுவாரா?

உலக கோப்பை டி20 கிரிக்கெட் போட்டியில் இன்று இந்தியா மற்றும் பாகிஸ்தான் அணிகளுக்கு இடையிலான போட்டி நடைபெற உள்ளதை அடுத்து இரு நாட்டு ரசிகர்கள் மட்டுமின்றி உலகம் முழுவதிலும் உள்ள கிரிக்கெட் ரசிகர்கள் இந்த போட்டியை மிகவும் ஆவலுடன் எதிர்பார்த்து காத்திருக்கின்றனர்.

மெல்போர்ன் நகரில் இன்று மதியம் 1.30 மணிக்கு தொடங்கும் இந்த போட்டி பெரும் விறுவிறுப்பாக இருக்கும் என்று எதிர்பார்க்கப்படுகிறது. இந்தநிலையில் ஆஸ்திரேலியாவில் உள்ள மெல்போர்ன் நகரில் இன்று மழைக்கு வாய்ப்பு குறைவு என்று அந்நாட்டின் வானிலை ஆய்வு மையம் தெரிவித்துள்ளது

இன்று பிற்பகல் போட்டி தொடங்கும் நேரத்தில் மெல்போர்ன் நகரில் வானம் மேகமூட்டத்துடன் காணப்படும் என்றும், மாலைக்கு பின்னர் தான் மிதமான மழை பொழிவு எதிர்பார்க்கலாம் என்றும் ஆஸ்திரேலிய வானிலை ஆய்வு மையம் தெரிவித்துள்ளது

எனவே இன்றைய போட்டி மழை இடையூறின்றி நடைபெற அதிக வாய்ப்பு இருப்பதாக தெரிகிறது

Edited by Siva