த்ரில் வெற்றி பெற்ற இங்கிலாந்து: தொடரை இழந்த ஆஸ்திரேலியா

த்ரில் வெற்றி பெற்ற இங்கிலாந்து: தொடரை இழந்த ஆஸ்திரேலியா

ஆஸ்திரேலியா மற்றும் இங்கிலாந்து நாடுகளின் கிரிக்கெட் அணிகளுக்கு இடையே தற்போது டி20 கிரிக்கெட் தொடர் நடைபெற்று வருகிறது. ஏற்கனவே நடைபெற்ற முதல் டி20 போட்டியில் இங்கிலாந்து அணி வெற்றிபெற்று 1-0 என்ற கணக்கில் முன்னிலையில் உள்ளது 

இந்த நிலையில் நேற்று நடைபெற்ற 2வது டி20 கிரிக்கெட் போட்டியில் இங்கிலாந்து அணி வெற்றி பெற்று தொடரை வென்றது என்பது குறிப்பிடத்தக்கது. இந்த போட்டியில் டாஸ் வென்ற ஆஸ்திரேலிய அணி முதலில் பேட்டிங் செய்ய முடிவு செய்தது. அந்த அணி நிர்ணயிக்கப்பட்ட 20 ஓவர்களில் 7 விக்கெட்டுகள் இழப்பிற்கு 157 ரன்கள் எடுத்தது. கேப்டன் பின்ச் 40 ரன்களும் ஸ்டோனிஸ் 35 ரன்களும் எடுத்தனர் 

அதன் பின்னர் இங்கிலாந்து அணி 158 ரன்கள் என்ற இலக்கை நோக்கி களமிறங்கியது. இங்கிலாந்து அணி 18.5 ஓவர்களில் 4 விக்கெட்டுக்களை மட்டுமே இழந்து 158 ரன்கள் எடுத்து 6 விக்கெட் வித்தியாசத்தில் வெற்றி பெற்றது. தொடக்க ஆட்டக்காரர் பட்லர் மிக அபாரமாக விளையாடி 77 ரன்கள் எடுத்து கடைசி வரை ஆட்டமிழக்காமல் இருந்தார். மேலும் அவர் ஆட்டநாயகனாக தேர்வு செய்யப்பட்டார். இங்கிலாந்து அணியின் மற்றொரு வீரரான மலன் 42 ரன்கள் எடுத்தார் என்பது குறிப்பிடத்தக்கது

இந்த நிலையில் இரு நாட்டு அணிகளுக்கு இடையிலான அடுத்த டி20 போட்டி வரும் 8ஆம் தேதி நடைபெறும் என்பது குறிப்பிடத்தக்கது