மூவர் ஐவரானோம்: இரட்டிப்பு மகிழ்ச்சியில் தினேஷ் கார்த்திக்!

தினேஷ் கார்த்திக், தீபிகா பல்லிகல் தம்பதிக்கு இரட்டை ஆண் குழந்தைகள் பிறந்துள்ளது. இந்த புகைப்படங்கள் தற்போது வைரலாகி வருகிறது. 

கிரிக்கெட் வீரர் தினேஷ் கார்த்திக் - பேட்மிண்டன் வீராங்கனை தீபிகா பல்லிகல் கடந்த 2015 ஆம் ஆண்டு காதல் திருமணம் செய்து கொண்டனர். தற்போது இவர்களுக்கு இரட்டை ஆண் குழந்தைகள் பிறந்துள்ளது. 

இதுகுறித்து தனது சமூக வலைத்தள பக்கத்தில் தினேஷ் கார்த்திக், சில நாட்களிலேயே 3 ஆக இருந்த (செல்ல நாய்க்குட்டி உட்பட) குடும்ப எண்ணிக்கை, 5 ஆக மாறியுள்ளது. மிகவும் மகிழ்ச்சியாக இருக்கிறது என  பதிவிட்டுள்ளார். மேலும் இரட்டை ஆண் குழந்தைகளுக்கு கபிர் பல்லிக்கல் கார்த்திக், சியான் பல்லிக்கல் கார்த்திக் என பெயர் சூட்டியுள்ளனர்.