நேற்றைய போட்டியில் சிஎஸ்கே படைத்த மோசமான சாதனைகள்!

சி எஸ் கே அணி பஞ்சாப் அணியிடம் நேற்று படுதோல்வி அடைந்தது ரசிகர்களை அதிருப்தி அடையச் செய்துள்ளது.

ஐபிஎல் 15 ஆவது சீசனின் 11வது போட்டி நேற்று சென்னை மற்றும் பஞ்சாப் அணிகள் இடையே நடைபெற்ற நிலையில் இந்த போட்டியில் டாஸ் வென்ற சென்னை அணி முதலில் பந்து வீச முடிவு செய்தது. இதையடுத்துக் களமிறங்கிய பஞ்சாப் அணி 20 ஓவர் முடிவில் 180 ரன்களை சேர்த்தது. அந்த அணியின் லியாம் லிவிங்ஸ்டன் அதிரடியாக விளையாடி 60 ரன்கள் சேர்த்தார். இந்த நிலையில் 181 என்ற இலக்கை நோக்கி விளையாடிய சென்னை அணி 18 ஓவர்களில் அனைத்து விக்கெட்டுக்களையும் இழந்து 126 ரன்கள் மட்டுமே எடுத்து 54 ரன்கள் வித்தியாசத்தில் தோல்வி அடைந்தது. 

சி எஸ் கேவின் மோசமான தொடக்கம்…

இந்த சீசனில் தொடர்ந்து மூன்று போட்டிகளையும் சி எஸ் கே இழந்துள்ளது. இதுவரை சென்னை அணி இதுபோல தோற்றதில்லை. அதுபோல நேற்று 54 ரன்கள் வித்தியாசத்தில் சென்னை அணி படுதோல்வி அடைந்தது. இரண்டாவது பேட்டிங்கில் மோசமான தோல்விகளில் இது இரண்டாம் இடத்தில் உள்ளது. இதற்கு முன்னர் 60 ரன்கள் வித்தியாசத்தில் சென்னை அணி தோல்வி அடைந்துள்ளது குறிப்பிடத்தக்கது.