ஆஸி அணியின் பயிற்சியாளர் ஜஸ்டின் லாங்கருக்கு வீரர்கள் சரியான ஒத்துழைப்பு அளிப்பதில்லை என செய்திகள் வெளியாகியுள்ளன.
ஆஸி அணிக்கு பயிற்சியாளராக ஜஸ்டின் லாங்கர் சில ஆண்டுகளுக்கு முன்னர் நியமிக்கப்பட்டார். பால் டேம்ப்பரிங் பிரச்சனைகளில் சிக்கி அந்த அணி தொய்வை சந்தித்த போது பதவியேற்றுக் கொண்டார். அவரின் பதவிக் காலம் அடுத்த ஆண்டு முடிவடைய உள்ள நிலையில் அவருக்கும் அணி வீரர்களுக்கும் இடையே மோதல் எழுந்துள்ளதாக சொல்லப்படுகிறது.
அதனால்தான் கடந்த சில தொடர்களில் வீரர்கள் சரியாக விளையாடாமல் அவரை பழிவாங்குவதாக செய்திகள் வெளியாகியுள்ளன. இன்னும் இரு மாதங்களில் டி 20 உலகக்கோப்பை தொடங்க வுள்ள நிலையில் இது அணிக்குள் என்ன விதமான பாதிப்புகளை உருவாக்கும் எனத் தெரியவில்லை.
