4 போட்டிகளில் சொதப்பிய வாட்ஸன்… ஆனாலும் வாய்ப்புக் கொடுத்த தோனி – பாராட்டித் தள்ளிய முன்னாள் வீரர்!

சென்னை சூப்பர் கிங்ஸ் அணியில் வாட்ஸனை நம்பி வாய்ப்புக் கொடுத்தற்காக தோனியை பாராட்டியுள்ளார் பிரட் லி.

ஐபிஎல் தொடரை இந்த ஆண்டு சென்னை அணி மிக மோசமாகதான் ஆரம்பித்தது. அதையடுத்து ஐந்தாவது போட்டியில் விக்கெட் இழப்பின்றி 186 ரன்களை துரத்தி வெற்றி பெற்றது. அதே போல 4 போட்டிகளில் சொதப்பி வந்த வாட்ஸனுக்கு மீண்டும் வாய்ப்பளிக்க அவர் 83 ரன்களை சேர்த்தார்.

இந்நிலையில் ஆஸ்திரேலியாவின் முன்னாள் வேகப்பந்து வீச்சாளர் பிரட் லி ‘தோனியின் சிறப்பு என்னவென்றால் அவர் தன் அணியில் உள்ள அனைத்து வீரர்களையும் நம்புகிறார். அவருடைய நம்பிக்கை அணியில் உள்ள 11 பேருக்கும் நம்பிக்கையை தருகிறது. வாட்ஸனுக்கு வாய்ப்பளித்தற்கு அவருக்கு பாராட்டுகள்’ எனக் கூறியுள்ளார்.