கடந்த சில நாட்களாக மகளிர் உலக கோப்பை கிரிக்கெட் போட்டி நடைபெற்று வந்த நிலையில் இன்று ஆஸ்திரேலியா மற்றும் தென்னாபிரிக்கா அணிகள் இறுதிப்போட்டியில் மோதி வருகின்றன. இன்றைய போட்டியில் ஆஸ்திரேலியா அணி டாஸ் வென்று முதலில் பேட்டிங் செய்ய முடிவு செய்தது. இதனை அடுத்து அந்த அணி முதலில் பேட்டிங் செய்தது.
இந்த நிலையில் முதலில் பேட்டிங் செய்த ஆஸ்திரேலியாவின் நிர்ணயிக்கப்பட்ட 20 ஓவர்களில் 6 விக்கெட் இழப்பிற்கு 156 ரன்கள் எடுத்துள்ளது. ஆஸ்திரேலிய அணியைச் சேர்ந்த மோனி மிக அபாரமாக விளையாடி 74 ரன்கள் எடுத்தார்.
இந்த நிலையில் 157 என்ற இலக்கை நோக்கி இன்னும் சில நிமிடங்களில் தென் ஆப்பிரிக்க அணி வீராங்கனைகள் பேட்டிங் செய்ய உள்ளனர் என்பது குறிப்பிடத்தக்கது