ஆஸ்திரேலியாவுக்கு எதிரான முதல் டி 20 போட்டி நாளைத் தொடங்க இருக்கிறது. இதில் இளம் வீரர்களுக்கு வாய்ப்பு கிடைக்குமா என்ற சந்தேகம் எழுந்துள்ளது.
இந்திய அணி கடந்த ஆண்டு இறுதியில் ஆஸ்திரேலியா சென்று அனைத்து வடிவிலானப் போட்டிகளிலும் விளையாடி டெஸ்ட் மற்றும் ஒருநாள் போட்டிகளைக் கைப்பற்றி வரலாற்று சாதனைப் படைத்தது. அதையடுத்து இரண்டு மாதங்களுக்குப் பிறகு ஆஸ்திரேலிய அணி இந்தியாவிற்கு வந்து ஒருநாள் மற்றும் டி 20 போட்டிகளில் விளையாட இருக்கிறது. இந்தத் தொடர் பிப்ரவரி 24 முதல் மார்ச் 13 ஆம் தேதி வரை நடக்கிறது.
இந்தத் தொடருக்குப் பின் இந்திய அணிக்கு வேறு எந்த சர்வதேசப் போட்டிகளிலும் இல்லை. ஐபிஎல் தொடரில் விளையாடி விட்டு நேரடியாக உலகக்கோப்பைத் தொடரில் விளையாட இருக்கிறது. இதனால் இந்தத் தொடரில் விளையாடும் இந்திய அணியே உலகக் கோப்பைத் தொடரிலும் விளையாடும் என எதிர்பார்க்கப்படுகிறது. அதனால் இந்திய வீரர்கள் தங்கள் முழுத்திறமையும் காட்ட முனைப்பாக இருக்கின்றனர்.
இரு அணிகளுக்கு இடையில் நடக்கும் முதல் டி 20 போட்டி நாளை விசாகப் பட்டணத்தில் நடக்க இருக்கிறது. இந்தத் தொடரில் இருந்து ஏறகனவே ஆல்ரவுண்டர் ஹர்திக் பாண்ட்யா விலகி உள்ளதால் அவருக்கு ரிஷப் பண்ட் அல்லது விஜய் ஷங்கர் சேர்க்கப்படுவார் என எதிர்பார்க்கப்படுகிறது.