Publish Date: Wed, 08 Dec 2021 (17:46 IST)
Updated Date: Wed, 08 Dec 2021 (17:46 IST)
முக்கியமாக, ஹோமங்களை மதியம் 12 மணிக்குள் முடித்து விடுவதே உத்தமம். திருமணமானவர்கள், தம்பதி சமேதராக அமர்ந்து ஹோமங்களைச் செய்வது அதிக பலன்களைத் தரும் என்கின்றனர்.
நவக்கிரக ஹோமம்: ஸ்ரீசௌபாக்ய லட்சுமி ஹோமம் ஆகியவற்றை கண்டிப்பாக அதிகாலையில் செய்ய வேண்டும். அதிகாலை பிரம்ம முகூர்த்த காலத்தில் செய்வதால் தெய்வ அருள் பரிபூரணமாகக் கிடைக்கும் என்று சாஸ்திரங்கள் கூறுகின்றன.
கணபதி ஹோமங்கள்: எல்லா மங்கள நிகழ்ச்சிகளுக்கும் செய்யப்படுவது. புதுவீட்டில் குடியேறுவதற்கும், புது தொழில் தொடங்கவும் இதைச் செய்வார்கள். இது பொதுவாக இடையூறுகள் நீங்கச் செய்யப்படுகிறது.
சுதர்ஸன ஹோமம்: நினைத்த காரியம் நல்லபடியாக நிறைவேறவும். எதிரிகளை வெற்றி கொள்ளவும் இந்த ஹோமம் செய்யப்படுவது.
நவகிரக ஹோமம்: நோய்களிலிருந்து நிவாரணம் கிடைக்கச் செய்யப்படும் ஹோமம் இது.
லட்சுமி குபேர ஹோமம்: தன லாபத்துக்காகவும், வியாபார வளர்ச்சிக்காகவும் இந்த லட்சுமி குபேர ஹோமம் செய்யப்படுகிறது.
சரஸ்வதி ஹோமம்: கல்வி அறிவு பெருகச் செய்யப்படுவது இந்த சரஸ்வதி ஹோமம்.
சண்டி ஹோமம்: நம் வளர்ச்சிக்கு குறுக்கே நிற்கும் தடைகளை அகற்றச் செய்யப்படுவது.
ஆயுஷ்ய ஹோமம்: நீண்ட ஆயுள் வேண்டிச் செய்யப்படுவது ஆயுஷ்ய ஹோமம்.
தன்வந்திரி ஹோமம்: நோயற்ற வாழ்வு பெற செய்யப்படும் ஹோமம்.
தில ஹோமம்: எம பயம் நீங்க செய்யப்படுவது தான் இந்த தில ஹோமம்.
ஆவஹந்தி ஹோமம்: தானியம் செழிக்க விவசாயிகள் செய்யும் ஹோமம்.
மாக ம்ருத்யுஞ்ஞய ஹோமம்: அகால மரணத்தை வென்று நீண்ட நாள் வாழவும் எல்லாவிதமான பயங்கள் நீங்கவும் செய்யப்படுவது.
வாஸ்து ஹோமம்: வீட்டு பிரச்சனைகள் நீங்க பயன்படுவது.
