மராட்டிய மாநிலம் நாசிக் நகருக்கு அருகே உள்ள ஒரு புனிதத் தலம் மிகவும் புகழ்பெற்றது என்பது மட்டுமின்றி, அந்த தலம் இருக்கும் கிராமம் ஒரு ஆச்சரியத்தையும் பன்னெடுங்காலமாக நமக்கு அளித்தக் கொண்டிருக்கிறது.நாசிக் மாவட்டம் ஷிங்காபுரில் உள்ள சனி பகவான் திருக்கோயில் மிகப் புகழ்பெற்றது.அதைவிட சிறப்பானது இந்தக் கோயில் அமைந்துள்ள கிராமத்தில் ஒரு வீட்டிற்குக் கூட தாழ்பாளும் கிடையாது. அவர்கள் பூட்டுவதும் இல்லை. ஏனென்று கேட்டால் எங்களை எல்லாம் சனி பகவானே காக்கின்றார். அதனால் பூட்ட வேண்டிய அவசியம் இல்லை. யாரும் திருடவும் முடியாது, திருடியவர்கள் உயிரோடு இருக்கவும் மாட்டார்கள்.இது இன்று நேற்றல்ல, பன்னெடுங்காலமாக பழக்கத்தில் இருந்து வருகிறது.
இந்த கோயிலுக்குள், மற்ற கோயில்களுக்குள் இருப்பது போல கருவறையில் அந்த கோயிலுக்குரிய கடவுள் இங்கு இல்லை. இது மற்றொரு ஆச்சரியமாகும். அங்கு கல் ஒன்று மட்டுமே உள்ளது. அந்த தூண்தான் சனீஸ்வரர் என்று மிக பக்தியுடன் வழிபடப்படுகிறார்.
இந்த கோயிலுக்குள் வரும் ஆண்கள் அனைவரும் அருகில் உள்ள குளத்தில் குளித்துவிட்டு, காவி உடை தரித்து கோயிலுக்குள் செல்ல வேண்டும். இங்கு பிரதக்ஷன முறையில் பூஜை செய்யப்படுகிறது. அதாவது கடவுளை வழிபட வரும் பக்தர்கள் பிரார்த்தனை அல்லது மந்திரத்தை உச்சரித்துக் கொண்டு கோயிலை பல முறை சுற்றி வர வேண்டும்.
இது மட்டுமின்றி சில நேரங்களில் அபிஷேகமும் நடைபெறுவதுண்டு. எண்ணெயையும், தண்ணீரையும் அபிஷேகத்திற்குப் பயன்படுத்துகின்றனர்.
சனி அமாவாசையன்று நடைபெறும் பூஜையின்போது உள்ளூரில் உள்ள பெரிய மனிதர்கள் முதல் பல்லாயிரக்கணக்கான பக்தர்கள் இக்கோயிலுக்கு வந்து வழிபடுகின்றனர்.இந்த கோயிலுக்கு வரும் அயலூர்காரர்கள் அனைவரும் அந்த கிராமத்தில் இருக்கும் பல வீடுகளில் கதவுகள் இல்லாமல் இருப்பதையும், கதவு இருந்தாலும் அவைகளில் தாழ்பாள்கள் இல்லாததையும், வீட்டிற்குள் ஆளில்லாமல் இருந்தாலும் வீடு அப்படியே இருப்பதையும் ஆச்சரியத்துடன் பார்த்துச் செல்கின்றனர்.தங்கள் கிராமத்தில் யார் திருட முயற்சித்தாலும் அவர்களை சனி பகவான் தண்டிப்பார் என்பது இங்கு நிலவி வரும் ஒரு பம்கிக்கை. இந்த நம்பிக்கைக்கு வலுவூட்டுவது போல ஏதாவது பொருட்கள் காணாமல் போனால் அந்த பொருள் மீண்டும் பறிகொடுத்தவர் கைக்கே வந்து சேர்கிறது.இதுமட்டுமின்றி இந்த கிராமத்தைச் சுற்றியுள்ள பகுதிகளில் எவரையாவது பாம்பு கடித்துவிட்டால் அவரை இந்த கோயிலுக்குள் கொண்டு வந்து ஒரு சிறப்பு பூஜை செய்தால் விஷம் இறங்கிவிடுகிறதாம். சனீஸ்வரர் கோயிலின் கிழக்குப் பக்கமாக இருக்கும் கிராமத்தின் பெயர் தேவ்காட். அந்த கிராமத்தில் ஸ்ரீதத்தாவிற்கு ஒரு கோயில் உள்ளது. இந்த கோயில் 24 மணி நேரமும் திறந்திருக்கும்.
இந்த சனீஸ்வரர் கோயிலில் உள்ள வேப்பமரத்தின் இலைகள், சனி பகவானின் மீது நிழல் பட்டாலே அதன் இலைகள் உதிர்ந்துவிடும் என்றும் கூறுகின்றனர்.
இந்த கோயிலில் இருந்து மிக அருகில் தான் நமது நாட்டின் மிக முக்கியமான புனிதத் தலங்களில் ஒன்றான ஷீர்டி உள்ளது.
இக்கோயிலுக்கு எப்படி செல்வது?
விமான மார்கம் :
அருகில் உள்ள விமான நிலையம் பூனே. அங்கிருந்து 160 கி.மீ. தொலைவில் உள்ளது இந்த கோயில்.
ரயில் மார்கமாக
ஸ்ரீராம்புர் ரயில் நிலையத்திற்கு மிக அருகில் உள்ளது இந்த கோயில்.
சாலை மார்கமாக
மும்பை - பூனே - அகமது நகர் வழியாக சனி ஷிங்னாபுருக்கு வரலாம். தூரம் 330 கி.மீ.
