கஞ்சா போதையில் இளைஞர்கள் அட்டகாசம்! உடனடியாக காவல்துறை எடுத்த நடவடிக்கை..

சென்னை ஆவடியை அடுத்த இந்து கல்லூரி ரயில் நிலையத்தில், கஞ்சா போதையில் வந்த இளைஞர்கள் பொதுமக்களை பிளாஸ்டிக் பைப்பால் தாக்கும் காட்சி வெளியாகி பெரும் அதிர்ச்சி ஏற்பட்ட நிலையில் இந்த சம்பவத்தில் ஈடுபட்ட 3 பேர் கைது செய்யப்பட்டுள்ளனர்.

ஆவடியை அடுத்த இந்து கல்லூரி ரயில் நிலையத்தில் ரயிலுக்காக அமர்ந்திருந்த பயணிகளை வயது வித்தியாசம் பாராமல், கண்மூடித்தனமாக கஞ்சா போதையில் 3 இளைஞர்கள் தாக்கும் சம்பவம் பார்ப்போரை அச்சமடையச் செய்துள்ளது!

ஒருவருக்கு பலத்த காயம் ஏற்பட்டு மருத்துவமனையில் அனுமதிக்கப்பட்டுள்ளார். இச்சம்பவம் தொடர்பாக ஆவடி ரயில்வே போலீசார் வழக்குப்பதிவு செய்த நிலையில், இந்த சம்பவத்தில் ஈடுபட்ட மூன்று இளைஞர்கள் கைது செய்யப்பட்டுள்ளதாக தகவல் வெளியாகியுள்ளது.

20 வயது சுபாஷ், 23 வயது இப்ராஹிம் மற்றும் 14 வயது சிறுவன் ஆகிய மூன்று பேர் கைது செய்யப்பட்டுள்ள நிலையில் அவர்களிடம் போலீசார் விசாரணை செய்து வருகின்றனர்.

இந்த சம்பவம் நடந்த சில நிமிடங்களில் காவல்துறையினர் துரிதமாக நடவடிக்கை எடுத்து பயணிகளை அடித்த இளைஞர்களை கைது செய்ததற்கு அந்த பகுதி மக்கள் பாராட்டு தெரிவித்து வருகின்றனர். மேலும் கைது செய்யப்பட்டவர்கள் மீது கடும் நடவடிக்கை எடுக்க வேண்டும் என்ற கோரிக்கையும் வைக்கப்பட்டுள்ளது.

Edited by Mahendran