தமிழக முதல்வராக தேந்தெடுக்கப்பட்டுள்ள எடப்பாடி பழனிச்சாமி தனது பெரும்பான்மையை நிரூபிக்க, தற்போது தமிழக சட்டசபை கூடியுள்ளது.
சட்டசபை கூடியதும், நம்பிக்கை வாக்கெடுப்பிற்கு முன்மொழிந்தார். அப்போது ரகசிய வாக்கெடுப்பு நடக்க வேண்டும் என ஓ.பி.எஸ் அணியினர் கோரிக்கை வைத்தனர். அவர்களுக்கு ஆதரவாக திமுக, காங்கிரஸ் எம்.எல்.ஏக்களும் கோஷமிட்டு வருகின்றனர். எனவே, சட்டசபையில் கடுமையான அமளி ஏற்பட்டுள்ளது.
அப்போது பேசிய எதிர்கட்சி தலைவர் மு.க.ஸ்டாலின், ரகசிய வாக்கெடுப்பு நடத்தினால் மட்டுமே ஜனநாயகம் பாதுகாக்கப்படும் எனக் கூறினார். ஒன்று ரகசிய வாக்கெடுப்பு நடத்துங்கள். இல்லையேல், வேறொரு நாளில் நம்பிக்கை வாக்கெடுப்பை நடத்துங்கள் என மு.க.ஸ்டாலின் கோரிக்கை வைத்தார். ஆனால், அவரின் கோரிக்கை சபாநாயகரால் நிராகரிக்கப்பட்டுள்ளது.
மேலும், காங்கிரஸ் சட்டசபை தலைவர் ராமசாமியும் ரகசிய வாக்கெடுப்பு நடத்த வேண்டும் என கோரிக்கை வைத்தார். ஆனால், வாக்கெடுப்பு எப்படி நடத்த வேண்டும் என்பது என்னுடைய முடிவு. அதை யாரும் நிர்பந்திக்க முடியாது என தனபால் கூறியுள்ளார்.
எனவே, சட்டசபையில் கடும் அமளி ஏற்பட்டுள்ள்து. இதனால், சட்டசபை கூடி ஒரு மணி நேரம் ஆகியும் இன்னும் நம்பிக்கை வாக்கெடுப்பு நடத்தப்படவில்லை.
