Webdunia - Bharat's app for daily news and videos

Install App

ஒன்றில் உதயசூரியன்; ஒன்றில் தனிச்சின்னம் – விசிக முடிவுக்கு ஓகே சொல்லுமா திமுக ?

Webdunia
செவ்வாய், 12 மார்ச் 2019 (09:12 IST)
திமுக ஒதுக்கியுள்ள 2 தொகுதிகளில் ஒன்றில் உதயசூரியன் சின்னத்திலும் மற்றொன்றில் தனிச்சின்னத்திலும் போட்டியிடப் போவதாக விடுதலை சிறுத்தைகள் கட்சி முடிவு செய்துள்ளதாகக் கூறப்படுகிறது.

திமுக தலைமையிலானக் கூட்டணியில் உள்ள விடுதலை சிறுத்தைகள் கட்சியுடனான பேச்சுவார்த்தை நடத்திய திமுக அவர்களுக்கு 2 தொகுதிகளை ஒதுக்கியது. ஒதுக்கப்பட்ட தொகுதிகளில் திருப்தியடைந்தாலும் ஸ்டாலின் உதயசூரியன் சின்னத்தில் போட்டியிட சொல்லி திமுக வலியுறுத்தியுள்ளது. இதனால் விடுதலை சிறுத்தைகள் கட்சிக்குள் சில சலசலப்புகள் எழுந்துள்ளன.

ஏற்கனவே தேர்தல்களில் தனிச்சின்னத்தில் போட்டியிட்டுவிட்டு இப்போது உதயசூரியனின் சின்னத்தில் போட்டியிடுவதற்கு அவர்கள் கட்சிக்குள்ளாகவே பலத்த எதிர்ப்பு எழுந்துள்ளதாகத் தெரிகிறது. இந்நிலையில் கடந்த தேர்தல்களில் விசிகவுக்கு ஒதுக்கப்பட்ட மோதிரம் சின்னத்தை இம்முறை ‘தமிழ்நாடு இளைஞர் கட்சி’ என்ற கட்சிக்கு ஒதுக்கியுள்ளது தேர்தல் ஆணையம். அந்தக்கட்சி அனைத்து இடங்களிலும் போட்டியிடுவதால் மோதிரத்தை அக்கட்சிக்கே வழங்கியது.

இதுகுறித்து கட்சி நிர்வாகிகளுடன் ஈடுபட்ட ஆலோசனையில் ஒருத் தொகுதியில் உதயசூரியன் சின்னத்திலும் மற்றொருத் தொகுதியில் தனிச்சின்னத்திலும் போட்டியிடப் போவதாக முடிவு எடுக்கப்பட்டுள்ளதாகத் தெரிகிறது. இதனை திமுகவிடமும் கூறியுள்ளதாகத் தெரிகிறது. ஆனால் இதற்கு திமுக தரப்பில் இருந்து எதிர்பார்த்த வரவேற்புக் கிடைக்கவில்லை எனத் தெரிகிறது. அதனால் அடுத்தக்கட்டமாக என்ன செய்வது என்ற யோசனையில் விடுதலை சிறுத்தைகள் கட்சியினர் ஈடுபட்டுள்ளனர்.

தொடர்புடைய செய்திகள்

எல்லாம் காட்டு

மேலும் படிக்க

மீண்டும் ஒரு துயரம்! ஆற்றில் இடிந்து விழுந்த பாலம்! பலர் மாயம்! - மகாராஷ்டிராவில் அதிர்ச்சி!

இஸ்ரேல் ஒரு ரவுடி நாடு: கேரள முதல்வர் பினராயி விஜயன் கண்டனம்..!

உண்மையான "அப்பா"க்களுக்கும் எனது வாழ்த்துக்கள்: முதல்வரை சீண்டுகிறாரா ஈபிஎஸ்?

ஸிப்லைனில் சென்றபோது அறுந்த கயிறு.. பாறைகளில் விழுந்த த்ரிஷா! - அதிர்ச்சி வீடியோ!

கள் எடுக்கும் போராட்டத்தை தொடர்ந்து மாடு மேய்க்கும் போராட்டம்! - சீமான் அறிவிப்பு!

அடுத்த கட்டுரையில்
Show comments