சரத்குமார் நீக்கம் எதிரொலி: விஷாலை திட்டிய வரலட்சுமி!

ஆடு பகை, குட்டி உறவு என்பார்கள். அது போல சரத்குமார், ராதிகா இடையே மோதலில் இருக்கும் விஷால் அவர்களது மகளும் நடிகையுமான வரலட்சுமியை காதலித்து வருகிறார். இவர்கள் இருவருக்கும் இடையே விரைவில் திருமணம் நடைபெற இருப்பதாக பேசப்பட்டது.

இந்நிலையில் நடிகர் சங்க பொதுச்செயலாளராக இருக்கும் விஷால் கடந்த சில தினங்களுக்கு முன்னர் நடிகர் சங்கத்தில் இருந்து சரத்குமார், ராதாரவி, வாகை சந்திரசேகர் ஆகியோரை அதிரடியாக நீக்கினார்.

இதனை அறிந்த திரையுலகமே அதிர்ச்சியடைந்தது. சரத்குமாரின் மனைவி ராதிகா டுவிட்டரில் விஷாலை சூனியக்காரன் என திட்டி தீர்த்தார். சரத்குமாரோ இதனால் மிகவும் மனமுடைந்து காணப்பட்டார்.

இதனையெல்லாம் கூர்ந்து கவனித்த வரலட்சுமி தந்தையின் வருத்தத்தை பார்க்க முடியாமல் தவித்ததாக பேசப்பட்டது. இதனால் கோபமடைந்து விஷாலை திட்டியதாக சமூக வலைதளங்களில் நேற்று செய்திகள் பரவியது.

என் அப்பாவை சீண்டாதே தாங்க மாட்டே என வரலட்சுமி விஷாலிடம் கூறியதாக கூறப்படுகிறது.