தமிழக காங்கிரஸ் கமிட்டி தலைவர் கே.எஸ்.அழகிரி கொரோனாவால் பாதிக்கப்பட்டுள்ள செய்தி காங்கிரஸார் இடையே அதிர்ச்சியை ஏற்படுத்தியுள்ளது.
தமிழகத்தில் கொரோனா தாக்கம் ஒருபுறம் இருந்தாலும், மறுபுறம் எதிர்வரும் சட்டமன்ற தேர்தலுக்காக தமிழக அரசியல் கட்சிகள் தீவிரமாக தயாராகி வருகின்றன. திமுக இப்போதே தேர்தல் பிரச்சாரத்தை தொடங்கிவிட்ட நிலையில் காங்கிரஸ் கூட்டணி குறித்தும் பேச்சுவார்த்தை தொடங்கவுள்ளது. இந்நிலையில் தமிழக காங்கிரஸ் கமிட்டி தலைவர் கே.எஸ்.அழகிரி முக்கிய கட்சி தலைவர்களை சந்தித்து கூட்டணி குறித்து பேசி வருகிறார்.
இந்நிலையில் தற்போது உடல்நல குறைவுக்கு உள்ளான கே.எஸ்.அழகிரிக்கு மருத்துவ பரிசோதனை மேற்கொண்டதில் அவருக்கு கொரோனா இருப்பது உறுதியாகியுள்ளது. இதையடுத்து அவர் தனியார் மருத்துவமனையில் அனுமதிக்கப்பட்டு சிகிச்சை பெற்று வருகிறார். இதனால் கடந்த சில நாட்களில் அவருடன் தொடர்பில் இருந்தவர்கள் தனிமைப்படுத்திக் கொள்ளுமாறு தமிழக காங்கிரஸ் கமிட்டி அறிவித்துள்ளது.
