கோவை நகரிலுள்ள கோட்டை ஈஸ்வரன் கோவில் அருகில் இன்று காலையில் அங்கிருந்த ஒரு மாருதி ஆல்ட்டோ கார் வெடித்து சிதறியது.
இந்தச் சம்பவத்தில் ஒருவர் உயிரிழந்தார். இந்தச் சம்பவம் பெரும் அதிர்ச்சியை ஏற்படுத்திய நிலையில், சிலிண்டர் வெடித்து விபத்து ஏற்பட்டதாகத் தகவல் வெளியானது.
இந்த நிலையில், பொள்ளாச்சி பதிவு எண் கொண்ட அந்த கார் வெடிவிபத்தில் உயிரிழந்தது யார் என்ற தகவல் தற்போது வெளியாகியுள்ளது.
கோவை உக்கடம் பகுதியைச் சேர்ந்த ஜமேசா முபின் என்பவர் இந்த விபத்தில் உயிரிழந்துள்ளார்.
இவர், உக்கடம் பகுதியில் பழைய துணிகள் விற்பனை செய்யும் வியாபாரம் செய்து வந்ததாகவும், இவரது வீடு மற்றும் உறவினர்களிடமும் போலீஸார் விசாரணை செய்து வருகின்றனர்.
