திமுகவை தேர்தலில் வீழ்த்துவதே ஒரே நோக்கம் - டிடிவி தினகரன்!

சொத்துக்குவிப்பு வழக்கில் சிறை சென்ற சசிக்கலா விடுதலை செய்யப்பட்ட நிலையில் கொரோனா தொற்று காரணமாக மருத்துவமனையில் அனுமதிக்கப்பட்டார். தற்போது உடல்நலம் பெற்று டிஸ்சார்ஜ் செய்யப்பட்டுள்ள அவர் தனிமைப்படுத்தல் காரணமாக பெங்களூர் பண்ணை வீட்டில் ஓய்வில் உள்ளார்.

இந்நிலையில் அவர் பிப்ரவரி 8ம் தேதி தமிழகம் வருவதாக டிடிவி தினகரன் தெரிவித்துள்ளார். இதுகுறித்து அறிக்கை ஒன்றை வெளியிட்டுள்ள அவர்,  திமுகவை தேர்தலில் வீழ்த்துவதே ஒரே நோக்கமாகக் கொண்டு செயல்பட வேண்டும் என கட்சி தொண்டர்களுக்கு வேண்டுகோள் விடுத்துள்ளார். மேலும், ஜெயலலிதா கட்டிக்காத்த இயக்கத்தை அதே பொலிவுடன் மீட்டெடுப்போம் என உறுதியளித்து சசிகலா வருகையை ஆவலோடு காத்திருக்கிறார்.