பறவைக் காய்ச்சல் காரணமாக தமிழகத்தில் முட்டை கொள்முதல் விலை 20 காசுகள் வீழ்ச்சி அடைந்துள்ளது.
கொரோனா காரணமாக முதலில் பாதிக்கப்பட்டது முட்டை வியாபாரிகள்தான். அந்தளவுக்கு முட்டை விலைக் குறைந்து ஒரு ரூபாய்க்கும் கீழே சென்றது. ஆனால் அதன் பின்னர் மீண்டும் இயல்பு நிலைக்கு வந்தது. இந்நிலையில் சில நாட்களாக முட்டை விலை தொடர்ந்து உயர்ந்து வந்தது. ஆனால் இந்தியாவில் 10க்கும் மேற்பட்ட மாநிலங்களில் பறவைக்காய்ச்சல் கண்டறியப்பட்டதை அடுத்து இறைச்சி விற்பனை குறைந்தது. அதைப் போலவே முட்டை விலையும் வீழ்ச்சியை சந்தித்தது. இதனால் 510 காசுகளாக விற்கப்பட்ட முட்டையின் விலை 420 காசுகளாகக் குறைந்தது. அதன் பின்னர் 5 காசுகள் ஏறியது.
இதையடுத்து இப்போதும் மேலும் 20 காசுகள் குறைந்து 405 காசுகளுக்கு விற்பனை செய்யப்படுகிறது. இது வியாபாரிகள் மத்தியில் அதிர்ச்சியை ஏற்படுத்தியுள்ளது.
