தமிழக சட்டமன்ற தேர்தலில் திமுக கூட்டணியில் போட்டியிடும் காங்கிரஸ் தனது தேர்தல் அறிக்கையை வெளியிட்டுள்ளது.
தமிழக சட்டமன்ற தேர்தல் ஏப்ரல் 6ல் நடைபெற உள்ள நிலையில் காங்கிரஸ் கட்சி திமுகவுடன் கூட்டணி அமைத்து தேர்தலை எதிர்கொள்கிறது. இந்நிலையில் காங்கிரஸ் சார்பில் போட்டியிடும் வேட்பாளர்களின் பட்டியல் முன்னதாக வெளியிடப்பட்ட நிலையில் இன்று கட்சியின் தேர்தல் அறிக்கை வெளியிடப்பட்டுள்ளது.
அவற்றில் முக்கியம்சமான திட்டங்கள் சில;
உள்ளாட்சிகளுக்கான அதிகாரம் உறுதி செய்யப்படும்
நீட் தேர்வை ரத்து செய்ய நடவடிக்கை.
மருத்துவப் படிப்பில் அரசுப் பள்ளி மாணவர்களுக்கான இட ஒதுக்கீடு 10%-ஆக உயர்த்தப்படும்.
தமிழகத்தில் பூரண மதுவிலக்கை அமல்படுத்த நடவடிக்கை
மீண்டும் சட்டமேலவை கொண்டு வரப்படும்.
தமிழக இளைஞர்களுக்கு வேலைவாய்ப்பு கிடைக்கும் வகையில் புதிய திட்டம் அறிமுகப்படுத்தப்படும்
உள்ளிட்டவை அறிவிப்புகள் வெளியாகியுள்ளன.
