ஸ்டாலின் கிழந்த சட்டை அல்லது கருப்பு சட்டையுடன் சட்டசபைக்கு வருவதை பழக்கமாக வைத்துள்ளார் என தமிழக பாஜக தலைவர் தமிழிசை சவுந்தரராஜன் தெரிவித்துள்ளார்.
தமிழக சட்டப்பேரவையில் இன்று துணை முதல்வரும் நிதியமைச்சருமான ஓ.பன்னீர்செல்வம் 2018-2019 ஆண்டிற்காக பட்ஜெட்டை தாக்கல் செய்தனர். அப்போது எதிர்க்கட்சி தலைவர் மு.க.ஸ்டாலின் காவிரி மேலாண்மை வாரியம் அமைக்காமல் பட்ஜெட் தாக்கல் செய்யப்படுவதை கண்டித்து கருப்பு சட்டை அணிந்து வந்திருந்தார். அவருடன் திமுக கட்சியின் சட்டமன்ற உறுப்பினர்களும் கருப்பு சட்டையில் வந்திருந்தனர்.
இது தொடர்பாக தமிழக பாஜக தலைவர் தமிழிசை சவுந்தரராஜன் செய்தியாளர்களிடம் பேசியபோது, ஸ்டாலின் சட்டசபைக்குள் கிழந்த சட்டை அல்லது கருப்பு சட்டையுடன் வருவதையே பழக்கமாக வைத்துள்ளார் என்றார். மேலும், தினகரன் தொடங்கிய புதிய அணி எந்த ஒரு தாக்கத்தையும் ஏற்படுத்தாது என்று பேசினார்.
