தமிழக சட்டமன்ற தேர்தலில் பாஜக, அதிமுகவுடன் கூட்டணி அமைத்துள்ள நிலையில் பாஜக ஒரு தொகுதியிலும் வெல்லாது என சுப்பிரமணிய சுவாமி தெரிவித்துள்ளார்.
தமிழக சட்டமன்ற தேர்தல் ஏப்ரல் 6ல் நடைபெற உள்ள நிலையில் அதிமுக – பாஜக கூட்டணி அமைத்து தேர்தலை எதிர்கொள்கின்றன. இந்நிலையில் பாஜகவுக்கான தொகுதிகள் பங்கீடு குறித்த பேச்சுவார்த்தைகளும் நடந்து வருகின்றன.
இந்நிலையில் பாஜகவிற்கு தொகுதிகள் ஒதுக்கப்பட்டுள்ளது குறித்து கருத்து தெரிவித்துள்ள பாஜக பிரமுகர் சுப்பிரமணிய சுவாமி “தமிழகத்தில் பாஜக 2 அல்லது 3 இடங்களில் வெற்றிபெறலாம். இல்லாவிட்டால் ஒரு தொகுதியிலும் வெற்றி பெறாது. வெற்றியோ, தோல்வியோ தேசிய கட்சியான பாஜக தனித்து போட்டியிருக்க வேண்டும்” என்று கூறியுள்ளார்.
