புதுவையில் தீபாவளிக்கு மறுநாள் ஆனால் அக்டோபர் 25-ஆம் தேதி பள்ளி கல்லூரிகளுக்கு விடுமுறை என அம்மாநில பள்ளிக்கல்வித்துறை தெரிவித்துள்ள நிலையில் தமிழகத்திலும் அதேபோல் விடுமுறை அளிக்க வாய்ப்பு இருப்பதாக கூறப்படுகிறது.
தீபாவளித் திருநாளான 24ஆம் தேதிக்கு மறுநாள் 25-ஆம் தேதி பள்ளி கல்லூரிகள் வேலை நாள் என்பதால் வெளியூர் சென்றவர்கள் தீபாவளி அன்று இரவே திரும்ப வேண்டிய நிலையில் உள்ளது
இதனை கணக்கில் கொண்டு தீபாவளிக்கு மறுநாள் அதாவது அக்டோபர் 25-ஆம் தேதி பள்ளி கல்லூரிகளுக்கு விடுமுறை என புதுவை அரசு நேற்று அறிவித்தது. இந்த நிலையில் தமிழகத்திலும் தீபாவளிக்கு மறுநாள் விடுமுறை அளிக்க வேண்டும் என்ற கோரிக்கை பெற்றோர்கள் மற்றும் மாணவர்கள் தரப்பில் இருந்து வெளிவந்துள்ளது
இதுகுறித்து பள்ளிக் கல்வித்துறை ஆலோசனை செய்து வருவதாகவும் முதலமைச்சர் உடன் கலந்து ஆலோசித்து தீபாவளிக்கு மறுநாள் விடுமுறை குறித்த அறிவிப்பை வெளியிடுவோம் என்றும் பள்ளிக்கல்வித்துறை அமைச்சர் அன்பில் பொய்யாமொழி தெரிவித்துள்ளார்.
