சுற்றுலாத்துறை அமைச்சர் ராமச்சந்திரனுக்கு ரூ. 10,000 அபராதம்: உதகை நீதிமன்றம் உத்தரவு..!
சுற்றுலாத்துறை அமைச்சருக்கு ரூபாய் பத்தாயிரம் அபராதம் விதித்து உதகமண்டலம் நீதிமன்றம் உத்தரவு பிறப்பித்துள்ளது பரபரப்பை ஏற்படுத்தி உள்ளது.
குன்னூர் வெலிங்டனில் கடந்த 2013 ஆம் ஆண்டு கண்டோன்மெண்ட் துணை தலைவர் தேர்தலின் போது திமுக அதிமுகவினர் மோதிக்கொண்டனர். இந்த வழக்கு கடந்த சில ஆண்டுகளாக நீதிமன்றத்தில் விசாரணையில் இருக்கும் நிலையில் இன்று இந்த வழக்கின் விசாரணைக்கு அமைச்சர் ராமச்சந்திரன் ஆஜராகவில்லை.
இதனை அடுத்து சுற்றுலாத்துறை அமைச்சர் ராமச்சந்திரனுக்கு ரூபாய் பத்தாயிரம் அபராதம் விதித்து நீதிபதி உத்தரவிட்டார். மேலும் இதே வழக்கில் ஆஜராகாத ஓபிஎஸ் நீலகிரி மாவட்ட செயலாளர் பாரதியார் என்பவருக்கும் பத்தாயிரம் அபராதம் விதிக்கப்பட்டது என்பது குறிப்பிடத்தக்கது.
இந்த அபராத தொகை சீரடி சாய்பாபா கோவில் மருத்துவமனைக்கு வழங்கவும் நீதிபதி உத்தரவிட்டு உள்ளார் என்பது குறிப்பிடத்தக்கது.