தமிழகத்தில் இன்று முதல் ஏழு நாட்களுக்கு மழை பெய்யும் என சென்னை வானிலை ஆய்வு மையம் சற்று முன் அறிவிப்பு வெளியிட்டுள்ளது.
மேற்கு திசை காற்றின் வேகம் மாறுபாடு காரணமாக இன்று முதல் அதாவது ஜூலை 17 முதல் ஏழு நாட்களுக்கு தமிழகத்தில் உள்ள சில இடங்களிலும் புதுவை, காரைக்கால் பகுதிகளில் இடி மின்னலுடன் கூடிய லேசானது முதல் மிதமான மழை பெய்யும் என்று அறிவிக்கப்பட்டுள்ளது.
குறிப்பாக அடுத்தடுத்த நாட்களில் நீலகிரி கோவை ஆகிய மாவட்டங்களில் கனமழை முதல் மிக கனமழை வரை பெய்யும் என்று அறிவிக்கப்பட்டுள்ளது. ஜூலை 19 முதல் 23 வரை தமிழகம் புதுவை காரைக்கால் பகுதியில் லேசான மழை பெய்யும் என்று சென்னையை பொருத்தவரை அடுத்த 24 மணி நேரத்திற்கு வானம் ஓரளவு மேகமூட்டத்துடன் காணப்பட்டாலும் சில இடங்களில் இடி மின்னலுடன் கூடிய லேசான மழை பெய்ய வாய்ப்புள்ளது என்றும் வானிலை ஆய்வு மையம் தெரிவித்துள்ளது.
ஏற்கனவே தமிழகம் முழுவதும் கடந்த சில நாட்களாக மழை பெய்து வரும் நிலையில் இன்னும் ஒரு வாரம் மழை பெய்யும் என்று வானிலை ஆய்வு மையம் தெரிவித்துள்ளது.