இன்னும் மூன்று மணி நேரத்தில் சென்னை உள்பட 21 மாவட்டங்களில் மிதமான மழை பெய்யும் என சென்னை வானிலை ஆய்வு மையம் தகவல் தெரிவித்துள்ளது.
கடந்த சில நாட்களாக சென்னை உள்பட தமிழகத்தின் பல பகுதிகளில் லேசான மழை முதல் மிதமான மழை வரை பெய்து வருகிறது என்பதை பார்த்து வருகிறோம்.
குறிப்பாக நேற்று இரவு திடீரென சென்னையில் இடி மின்னலுடன் கூடிய கனமழை பெய்தது என்பதும் இதனால் சென்னையில் உள்ள பல சாலைகளில் மழை நீர் தேங்கி இருந்தது என்பதையும் பார்த்து.
இந்த நிலையில் அடுத்த 3 மணிநேரத்தில் சென்னை , செங்கல்பட்டு, திருவள்ளூர், காஞ்சிபுரம், கிருஷ்ணகிரி, திருப்பத்தூர், தருமபுரி, திருவண்ணாமலை, ராணிப்பேட்டை, வேலூர், ராமநாதபுரம், சிவகங்கை, புதுக்கோட்டை, தஞ்சை, நாகை, மதுரை, தேனி, திண்டுக்கல், நீலகிரி, கோவை மற்றும் திருப்பூர் ஆகிய மாவட்டங்களில் மிதமான மழைக்கு வாய்ப்பு என சென்னை வானிலை ஆய்வு மையம் தகவல் தெரிவித்துள்ளது.
