சின்னதாராபுரம் குறுவட்ட அளவிலான சதுரங்க விளையாட்டு போட்டிகள் புன்னம் சத்திரம் சேரன் உடற்கல்வியியல் கல்லூரியில் நடைபெற்றது.
இப்போட்டியை நிர்வாக அலுவலர் கே.கணபதி, மேல்நிலைப்பள்ளி தலைமை ஆசிரியர் கே.தேவராஜன் சேரன் உடற்கல்வியியல் கல்லூரி முதல்வர் எம்.ரமேஷ் ஆகியோர் வாழ்த்துரை வழங்கி போட்டியைத் துவக்கி வைத்தனர்.
இதில் 50க்கும் மேற்பட்ட பள்ளிகளில் இருந்து மாணவர்கள் கலந்துகொண்டனர். இதில் புன்னம் சத்திரம் சேரன் மேல்நிலைப்பள்ளியைச் சார்ந்த எஸ்.சோனியா 17 வயதுக்குட்பட்டோர் பிரிவில் முதல் இடமும் ,எம்.வினிதா 19 வயதுக்குட்பட்டோர் பிரிவில் இரண்டாம் இடமும் , ஜி.மேனகா 14 வயதுக்குட்பட்டோர் பிரிவில் மூன்றாம் இடமும், பி.பார்த்த சாரதி 19 வயதுக்குட்பட்டோர் பிரிவில் மூன்றாம் இடமும் பெற்றனர்.
வெற்றி பெற்ற மாணவர்களையும், பயிற்சி அளித்த உடற்கல்வி ஆசிரியர்களையும் பள்ளியின் தாளாளர் கே.பாண்டியன் மற்றும் கல்வி நெறியாளர் டாக்டர் குணசேகர் ஆகியோர் பாராட்டினர்.
சி.ஆனந்தகுமார் - செய்தியாளர்
