நாகர்கோவில் கல்லூரி ஒன்றின் மகளிர் விடுதியில் நள்ளிரவில் நுழைந்த வாலிபர் ஒருவர் 3 மாணவிகளில் செல்போனை திருடியதால் பெரும் பரபரப்பு ஏற்பட்டுள்ளது.
சமீபத்தில் நாகர்கோவிலை சேர்ந்த நிஷாந்த் என்பவர் ஒரு வழிப்பறி வழக்கில் போலீசாரால் கைது செய்யப்பட்டார். அவரிடம் செய்த விசாரணையில் அவர் பல இடங்களில் திருடியதும், குறிப்பாக சமீபத்தில் மகளிர் விடுதி ஒன்றில் 3 மாணவிகளின் செல்போனை திருடியதும் தெரிய வந்தது.
3 மாணவிகளின் செல்போனை திருடியபோது அவர்களுடைய செல்போனிலேயே மாணவிகளை போட்டோ எடுத்து சேவ் செய்து வைத்திருந்ததாகவும் கூறப்படுகிறது. மேலும் மாணவிகளின் செல்போனில் இருந்த புகைப்படங்கள் மற்றும் வீடியோக்களை அவர் சட்டவிரோதமாக பயன்படுத்தினாரா? என்பது குறித்த விசாரணையும் நடந்து வருவதாக கூறப்படுகிறது.
