பொதுமக்கள் தீபாவளியை மிகுந்த உற்சாகத்துடன் கொண்டாடி வருகின்றனர்.
நாடெங்கும் தீபாவளி மிகச் சிறப்பாக கொண்டாடப்பட்டு வருகிறது. கடந்த ஒரு வாரமாகவே எங்கு பார்த்தாலும் மக்கள் கூட்டம் நிரம்பி வழிந்தது. தீபாவளிக்காக துணி, பலகாரம், நகை உள்ளிட்ட பொருட்களை வாங்க மக்கள் கடைவீதிகளுக்கு படையெடுத்தனர்.
இந்நிலையில் இன்று தீபாவளி என்பதால் மக்கள் விடியற்காலை எழுந்து தலைக்கு எண்ணெய் தேய்த்து குளித்து, அக்கம் பக்கத்தினருக்கு இனிப்புகள் வழங்கி, பட்டாசு வெடித்து கொண்டாடி வருகின்றனர்.
இது ஒருபுறம் இருக்க தலை தீபாவளி கொண்டாடும் ஜோடிகளுக்கு தட புடலான விருந்து தான், வரவேற்பு தான். தீபாவளியை முன்னிட்டு மக்களுக்கு பல்வேறு அரசியல் கட்சித் தலைவர்கள் வாழ்த்துக்கள் தெரிவித்த வண்ணம் இருக்கின்றனர்.
