கார்த்தி நடித்த பருத்திவீரன் என்ற திரைப்படத்தில் முக்கிய கேரக்டரில் நடித்த நடிகர் செவ்வாழை ராசு என்பவர் காலமானார். அவரது மறைவுக்கு திரையுலகினர் இரங்கல் தெரிவித்து வருகின்றனர்.
இயக்குனர் அமீர் இயக்கத்தில் கார்த்தி, பிரியாமணி நடிப்பில் உருவான திரைப்படம் பருத்திவீரன். இந்த படத்தில் பிணம் தின்னி என்ற கேரக்டரின் மூலம் பிரபலமானவர் செவ்வாழை ராசு. இவர் கிழக்கு சீமையிலே, மைனா, கந்தசாமி உள்ளிட்ட படங்களிலும் நடித்துள்ளார்.
இந்த நிலையில் கடந்த சில மாதங்களாக உடல் நலக்குறைவு காரணமாக மதுரையில் உள்ள தனியார் மருத்துவமனையில் சிகிச்சை பெற்று வந்த செவ்வாழை ராசு இன்று சிகிச்சையின் பலன் இன்றி காலமானார். அவருக்கு மூன்று மகன்கள் உள்ளனர்.
தேனி மாவட்டம் வருசநாடு என்ற பகுதியை சேர்ந்த அவரது உடல் சொந்த ஊருக்கு எடுத்துச் செல்லப்பட்டு பொதுமக்கள் அஞ்சலிக்காக வைக்கப்பட்டுள்ளது. மறைந்த செவ்வாழை ராசுவுக்கு வயது 70.
