சசிக்கலாவை அதிமுகவில் இணைத்துக் கொள்வீர்களா என நிருபர்கள் கேட்ட கேள்விக்கு ஓ.பன்னீர்செல்வம் பதிலளித்துள்ளார்.
உள்ளாட்சி தேர்தலில் அதிமுக பெருமளவில் வெல்லாத நிலையில் சசிக்கலாவை மீண்டும் அதிமுகவில் இணைக்க வேண்டும் என அதிமுகவில் உள்ளவர்களே தொடர்ந்து பேசத் தொடங்கியுள்ளனர். இந்நிலையில் அதிமுக பிரபலங்கள் சிலர் தொடர்ச்சியாக சென்று சசிக்கலாவை சந்தித்து வருவது அரசியல் வட்டாரத்தில் பரபரப்பை ஏற்படுத்தியுள்ளது.
இதனால் அதிமுக, அமமுக கட்சிகள் இணையுமா என்ற எதிர்பார்ப்பும் அக்கட்சியினருக்கு எழுந்துள்ளது. இந்நிலையில் மதுரை விமான நிலையத்தில் அதிமுக ஒருங்கிணைப்பாளர் ஓ.பன்னீர்செல்வம் நிருபர்களுக்கு பேட்டி அளித்தார். அப்போது அவரிடம் சசிக்கலாவை அதிமுகவில் இணைத்துக் கொள்வீர்களா என்று கேட்கப்பட்டபோது “ஐயோ சாமி.. வாங்க சாமி!” என்று சொல்லிவிட்டு நழுவியுள்ளார்.
