ஆயிரம் கருணாநிதி வந்தாலும் ஆயிரம் ஸ்டாலின் வந்தாலும் அதிமுகவை உடைக்க முடியாது என்று தமிழக உணவுத்துறை அமைச்சருமான ஆர்.காமராஜ் கூறியுள்ளார்.
எம்ஜிஆர் நூற்றாண்டு பிறந்தநாளை முன்னிட்டு திருவாரூரில் அதிமுக சார்பில் பொதுக்கூட்டம் நடைபெற்றது. கூட்டத்தில் திருவாரூர் மாவட்ட செயலாளரும் தமிழக உணவுத்துறை அமைச்சருமான ஆர்.காமராஜ் பங்கேற்றார்.
அப்போது பேசிய அவர், ”அதிமுக என்பது எம்.ஜி.ஆரால் தோற்றுவிக்கப்பட்டு தொண்டர்களால் நிறைந்திருக்கும் இயக்கம். மக்களுக்காக எம்ஜிஆர்,, ஜெயலலிதாவால் வழி நடத்தப்பட்ட இயக்கம்.
ஜெயலலிதா மறைவுக்கு பின்னர் அதிமுகவை உடைத்து விடலாம் என கனவு காண்கின்றனர். அதிமுகவை உடைக்க நினைப்பவர்கள் யாரென்பது எங்களுக்கு தெரியும். அதிமுகவில் எம்.ஜி.ஆர்., ஜெயலலிதா ஆகியோருக்குப் பிறகு சசிகலாவின் வலுவான தலைமை கிடைத்துவிட்டது.
இதனால் தி.மு.க.வினர் பொறாமையில் உள்ளனர். ஆயிரம் கருணாநிதி வந்தாலும் ஆயிரம் ஸ்டாலின் வந்தாலும் அதிமுகவை உடைக்க முடியாது” என்றார்.
