சென்னையில் கடந்த சில மாதங்களாக பெட்ரோல் மற்றும் டீசல் விலையில் எந்த விதமான மாற்றமும் இல்லை என்பதை பார்த்து வருகிறோம். இந்த நிலையில் இன்று 299 நாளாக பெட்ரோல் டீசல் விலை மாற்றம் இல்லை என்ற தகவல் வெளியாகி உள்ளது. சென்னையில் கடந்த 299 நாட்களுக்கு முன்பு மாறிய பெட்ரோல் விலை அதன் பின் ஒரே விலையில் விற்பனையாகி வருகிறது என்பதும் நாளையுடன் 300 நாள் என்ற சாதனை செய்யப்படுகிறது என்பது குறிப்பிடத்தக்கது.
இந்தியாவில் இதுவரை தொடர்ச்சியாக 300 நாட்கள் பெட்ரோல் மற்றும் டீசல் விலையில் எந்த விதமான மாற்றமும் இல்லாமல் இருந்ததில்லை என்பதும் இதுதான் முதல் முறை என்றும் கூறப்படுகிறது
இருப்பினும் சர்வதேச சந்தையில் கச்சா எண்ணெய் விலை வீழ்ச்சி அடைந்திருப்பதால் அதற்கேற்றவாறு இந்தியாவில் பெட்ரோல் டீசல் விலையை குறைக்க வேண்டும் என்ற கோரிக்கை எழுப்பப்பட்டு வருகிறது.
இந்த நிலையில் இன்று சென்னையில் ஒரு லிட்டர் பெட்ரோல் விலை ரூபாய் 102.63 என்றும் இன்று சென்னையில் ஒரு லிட்டர் டீசல் விலை ரூபாய் 94.24 என்று விற்பனை ஆகி வருகிறது
