முன்னாள் முதல்வர் ஜெயலலிதாவின் தோழி சசிகலா கடந்த 27ஆம் தேதி சிறையில் இருந்து விடுதலையான நிலையில் இன்று அவர் சென்னை திரும்பியுள்ளார்
சசிகலாவின் சென்னை வருகை அதிமுகவில் பெரும் சலசலப்பை ஏற்படுத்தியுள்ளது என்பது குறிப்பிடத்தக்கது. இந்த நிலையில் இன்று மதியம் செய்தியாளர்களை சந்தித்த அமைச்சர் ஜெயக்குமார் திமுகவுடன் சசிகலா ரகசிய கூட்டணி வைத்து இருக்கிறார் என்றும் திமுகவின் பீ டீம் ஆக சசிகலா மாறி விட்டதாகவும் அவர் குற்றஞ்சாட்டியிருந்தார்
அமைச்சர் ஜெயக்குமாரின் இந்த குற்றச்சாட்டுக்கு திமுக எம்பி கனிமொழி பதிலடி கொடுத்துள்ளார். அதிமுக தான் பாஜகவின் ‘பி’ டீம் என்றும் திமுகவுக்கு எந்த ’பி’ டீமும் தேவை இல்லை என்றும் அவர் தெரிவித்துள்ளார். திமுகவின் பி டீமாக சசிகலா செயல்படுகிறார் என்று அமைச்சர் ஜெயக்குமார் கூறிய கருத்துக்கு கனிமொழி எம்பி பதிலடி கொடுத்துள்ளது சமூக வலைதளங்களில் வைரலாகி வருகிறது
