நடிகர் சிவகுமார் குறித்து, பிரபல நடிகர் எஸ்.வி.சேகரின் டிவிட்டர் பதிவுக்கு, பின்னோட்டங்களில் நெட்டிசன்கள் பதிலடி கொடுத்து வருகின்றனர்.
சமீபத்தில் நடந்த கல்வி அறக்கட்டளை குறித்தான விழாவில், நடிகர் சிவக்குமார், மாணவர்களிடம் காபி, டீ ஆகியவை உடல் நலத்திற்கு கேடு எனவும், அதை குடிக்காதீர்கள் எனவும் கூறும் விதமாக, “என் குழந்தைகளா இருந்தா காபி, டீ குடிக்கமாட்டாங்க” என்று கூறினார்.
சிவகுமார் இவ்வாறு கூறியது குறித்து, பிரபல நடிகரும், பாஜகவின் உறுப்பினருமான எஸ்.வீ.சேகர், தனது டிவிட்டர் பக்கத்தில், சிவக்குமாரை கேலி செய்யும் விதமாக, “ ஆனா என் குழந்தைகள் காபி விளம்பரம் நடிக்கலாம்” என தெரிவித்திருந்தார்.
அதாவது சிவக்குமாரின் மகன்களான கார்த்தி மற்றும் சூர்யா ஆகியோர் பிரபல காபி நிறுவங்களின் விளம்பரங்களில் நடித்து வருகின்றனர். இதனை சுட்டிகாட்டும் விதமாக எஸ்.வி.சேகர் அவ்வாறு கூறினார். இதனைத் தொடர்ந்து எஸ்.வி.சேகரையும் பாஜகவையும் கேலி செய்யும் வகையில், பின்னோட்டங்களில் நெட்டிசன்கள் பதிவிட்டு வருகின்றனர்.
அந்த பின்னோட்டங்களில் ஒருவர், பாஜகவை விமர்சிக்கும் வகையில், ”எவனும் மாட்டுக்கறி திங்க கூடாது, ஆனா நாங்க வெட்டி கறியாக்கு வெளிநாட்டுக்கு ஏத்துவோம்” என பதிவிட்டு எஸ்.வீ.சேகரின் டிவிட்டுக்கு பதிலடி கொடுத்துள்ளார்.
மேலும் இது போன்ற பல வேடிக்கையான கமெண்ட்டுகள் அந்த பின்னோட்டங்களில் தென்படுகின்றன.
