தமிழக உள்ளாட்சி தேர்தல் தொடங்க உள்ள நிலையில் மக்கள் நீதி மய்யம் மாவட்ட வேட்பாளர் குழுவை நியமித்துள்ளது.
தமிழகத்தில் நிர்வாக வசதிக்காக புதிதாக பிரிக்கப்பட்ட 9 மாவட்டங்களுக்கு விரைவில் உள்ளாட்சி தேர்தல் நடைபெற உள்ளது. இந்த தேர்தலில் பங்கேற்க தமிழக முக்கிய கட்சிகள் ஆலோசனை மேற்கொண்டு வரும் நிலையில் மக்கள் நீதி மய்யமும் உள்ளாட்சி தேர்தலில் பங்கேற்பதாக அறிவித்துள்ளது.
இந்நிலையில் மக்கள் நீதி மய்யம் சார்பில் போட்டியிட தகுதியான வேட்பாளர்களை தேர்வு செய்ய மாவட்ட அளவிலான வேட்பாளர் குழுவை கட்சி தலைவர் கமல்ஹாசன் அறிவித்து அறிக்கை வெளியிட்டுள்ளார்.
