அமைச்சர் செந்தில் பாலாஜி கடந்த சில நாட்களாக காவேரி மருத்துவமனையில் சிகிச்சை பெற்று வந்த நிலையில் தற்போது அவர் டிஸ்சார்ஜ் செய்யப்பட்டதாகவும் இதனை அடுத்து அவர் புழல் சிறைக்கு மாற்றப்பட இருப்பதாகவும் தகவல் வெளியாகியுள்ளன.
கடந்த மாதம் அமைச்சர் செந்தில் பாலாஜி வீட்டில் அமலாக்கத்துறை அதிகாரிகள் சோதனை செய்த நிலையில் அவரை கைது செய்தனர். ஆனால் அவருக்கு உடல் நல குறைவு காரணமாக அரசு மருத்துவமனையில் அனுமதிக்கப்பட்டிருந்த நிலையில் அதன் பிறகு நீதிமன்றத்தின் உத்தரவு அடிப்படையில் காவேரி மருத்துவமனையில் அனுமதிக்கப்பட்டார்.
அங்கு அவருக்கு பைபாஸ் சர்ஜரி செய்யப்பட்டதாகவும் கூறப்பட்டது. இந்த நிலையில் சர்ஜரிக்கு பிறகு அவர் சிகிச்சை பெற்று வந்த நிலையில் இன்று அவர் டிஸ்சார்ஜ் செய்யப்பட்டதாக கூறப்படுகிறது. இதனை அடுத்து காவேரி மருத்துவமனையில் இருந்து அவர் புழல் சிறைக்கு மாற்றப்படுகிறார் என்றும் கூறப்படுகிறது.
